थानें मनाऊँ माँ शारदे, थानें मनाऊँ माँ शारदे।
ओ म्हारा घट रा पट दो खोल,
जय-जय शारद माँ।।
पूजा हिलमिल म्हें करां, पूजा हिलमिल म्हें करां,
ओ थारी घणी रे करां मनवार,
जय-जय शारद माँ।।
थारी उतारां माँ आरती, थारी उतारां माँ आरती
ओ थारें भेंट करुं फूलमाळ,
जय जय शारद माँ।।
थांरी किरपा सूं सब हुवे माँ,
थांरी किरप सूं सब हुवे माँ,
ओ म्हारो बेड़ो रे लगा दीज्यो पार,
जय-जय शारद माँ।।
अज्ञानी ने ज्ञान दो माँ, अज्ञानी ने ज्ञान दो माँ
ओ माँ मूरख सूं मिनख बणाय,
जय-जय शारद माँ।।